نشيد قم يامصري

قوم يا مصرى مصر دايما بتناديك =
خد بنصرى نصرى دين واجب عليك=
يوم ما سعدى راح هدر قدام عينيك=
عيد لى مجدى اللى ضيعته بأيديك=
شوف جدودك فى قبورهم ليل نهار=
من جمودك كل عضمة بتستجار=
فين أثارك ياللى دنست اﻷثار =
دول فاتولك مجد وأنت فت عار=
شفت أى بلاد يا مصرى فى الجمال=
تيجى زى بلادك اللى ترابها مال=
نيلها جى السعد منه حلال زلال=
كل حى يفوز برزقه عيشته عال=
يوم مبارك تم لك فيه السعود=
حب جارك قبل ما تحب الوجود=
ايه نصارى ومسلمين قال ايه ويهود=
دى العبارة نسل واحد مـ الجدود=
ليه يا مصرى كل أحوالك عجب=
تشكى فقرك وأنت ماشى فوق دهب=
مصر جنة طول ما فيها أنت يا نيل=
عمر أبنك لم يعيش أبدا ذليل=
يوم مبارك تم لك فيه السعود=
حب جارك قبل ما تحب الوجود=
ايه نصارى ومسلمين قال ايه و يهود=
دى العبارة نسل واحد مـ الجدود=