خفافيش ضلام

وانت لو قلنا شيء في بلدنا للصالح

فيه ناس كتير وسطنا بيصيدوا في المالح

وإن قلنا ليه إسرائيل نعاملها بالحُسْنى

نتهان في ( بوسنه ) وعِدانا معاها نتصالح

ع الفتنة عايشين وخفافيش ضلمه يا اخواننا

كارهين علاقة الحيطان بينها وبين بَنَّا

قاطعين حبال الاتصال بين النخيل والنيل

وإن سمعوا مواويل يقوموا يلموا من غنى

قاطعين لسان الجنين من جوه بطن امه

ويسقطواه لو كمل ويكفنوه بدمه

وإن شافوا عيل بيحبي يكهربوا العتبات

وشبابنا لو فات يحطوا المشنقة ف .. .. .. ( كمه )