فيل الست ..

فيل الست ..

_ في قاعه م القاعات
على طاوله اجتماعات
قابلتني ست وفيل .

_ راجل كده محشور
ف قميص وفوق عمودين
وجاكته ملهاش سور
أعرض من المترين ..

_ أنا شفت صبع الإيد
قلت ف نفسي ياواد
إسحب وروح لبعيد
ولكل حى معاد ..

_ وهيا تقول عصفوره
سنيوره أيه آموره
حاجه كده غزلاني
رقه وجمال رباني
وأيه العمل ف لساني..

_ خايف عوايده يخون
والآمر مش مضمون
كلمه كدا أو كدا
وأصبح ف كان أوكون ..

_ ولقيتها بتوشوشلو
قام إتنطر ف الحال
شارخ وجه ناحيتي
يارب عندي عيال ..!!

_ إيه اللي جابني هنا
ملعون أبو الأشعار
ياعم أنا مش هنا
عيل وتاه م الدار ..

_ قرب وأنا مرعوب
نادى بصوت وشوشه
تسمح يابيه حضرتك
لمراتي بالدردشه ..

_مع جناب حضرتك
لو فيه شوية وقت
ممكن عصير أو شاى
فوق فى جناح الست ..


..2..

_رديت بصوت همهمه
دا أنت بقرن صحيح
ملعون أبو الأفيال
صدقت إنك لوح
مهما دراك المال ..

__ مد إيديه وانحنى
قاللي دا زادنا شرف
أنا منتظركم هنا
صابتني حالة أرف
ملعون أبو الآفيال ..

معز ..2007/06/30