لمجرد الفرجة

بيبتسم وكأنها ملكه

دنيا

ولّا حفلة خيرية

متنكرين ولابسين الحياة أقنعة

راقد بين الكتب الفالسو

بيستنى اللي هييجي

وعمره ما جاش

صراصير بتشرب ويسكي وبترقص

شباك مقفولة فـ وشه الشمس

ورجل عصفور ملزوقة فـ المازيوت

بُص

..
كأنه مش انتا

غير القميص والبلوفر اللي صالبينك

واتحرك وسط الناس

دول الللي تاعبينك

عبيط

ميستاهلوش

عد لغاية خمسة

واجري بأقصى سرعة فـ الخلا

اللي ورا المدرسة الابتدائي

اتفرج عالعيال الهربانين

بيلعبوا كورة عالفلوس

ويستدرجوا بنات المدارس

اتفرج

.