راجل عجوز

مش عارف اختار لحظة مناسبة

أقدر أفرق فيها ما بين الأبيض وأسود

لتحديد شعرايه شايبه في دماغي

الشعرايه اللي بتشبه قصيدة ضهرها محني

مش قادره تكتشف بحور جديدة

كل اللي حيلتها سنين

لراجل عاش يتيم

كان هنا من شويه ومشي

وأتمني يسيب وراه أثر

يقابله في آخر زقاق للدموع

سايب له الصوره اللي يحب يظهر بيها

والكلام اللي ها يقوله

عن مشواره ونهاية رحتله عكاز

الإختراع الجهنمي

اللي ساب رجل تالته في الدنيا

وخلاه ما يحسش بوحدته

بدل ما يلعن فارق السن ما بينا

اللي حوله لراجل عجوز

مش قادر يقف علي رجليه

.