حارس الطابية

الصحة في النازل

مش قادر أكمل مشاويري

لطابية اختفت تحت الأرض

وفضل منها خرافة شعبية لملك

مشا البحر ، ورص مكانه بيوت

ساب وراه يافطة

مش لاقيلها شارع في دماغي

ها علقها في ركن فاضي في روحي

وأسميها

( تاريخ سري ) لملك
ضيع قوته في خطط وحروب

انتصر فيها

واستسلم للتراث ، حقناً للدماء

طار بحصانه

ورش آخر حواديته ع السطور

رضي يكون ورق أصفر

خاضع لعوامل التعرية

الفجر قرب

الطابية ها تختفي

ممكن اقل بأصلي

أبيته ليلة تحت بحر مهجور

بعد ما سبني أنهج

في سموات مفتوحة علي البحري

.