هاللو يا أمريكا

[
كان اللى كان
سموه وطن
عيل صغير
تحت صفصافى
الترعه كنبه
ومسندين
كان الفضا
حافى
حافى من الطيران
والباتريون
زيكا
هاللو يا أمريكا
عيا صغير كان
الوطن
علمنا عزف النايات
والرقص فوق الترعه
والمسقات
تحدف ضلوعك للشجر
يسترك
وسط الغيطان العطشى للريات
ولا كانشى يعرف
فى القانون
الشيكا
هاللو يا أمريكا
يا مرقصين حبل الغسيل
تارتين
مرة فى خندق
يسار
مرة فى خندق
يمين
مغنواتى البلد
دى
ما يبسط المعازيم
شنبات
ومخطوطة
فى وش
حريم
وغريب
ونايم
وهايم
بالمرّه
فى الدار
هذا الوطن
للإيجار
بدولارك
أديكا
هاللو يا أمريكا
البنت كانت بهيه
وجرحها
فى ياسين
جميزة شاخت
وتك الجرح صفصافة
طلعت بواكير البنات
فوق الهرم
خمرى
لا أكلت تمرى
ولا
شبع الرغيف
من الفم
كان ليّاعم جبان
جبان
وعجوز
علمنى كيف المستحيل
على الحل صوته
يجوز
كان ليّا
فى بلمان
أراجوز
فاوض
جميع الأمرا
فى الخماره
وحلف بدينه
وكتابه
وكل
أيمان له
إن الخلاف فى الرأى
ما يفسدشى
للود طلعة بهيه
أو
صفيه العايقه
وإن المسائل
تماااااااااااااااااااام
كل الأمور
ح تروق
بس الولاد فى الوطن
ده
ما يفهموش فى الذوق
وان الرسول قال لنا
خير الأمور
الوسط
وفى القطاع
الوسط
وفى النزاع
الوسط
وأنا بقولها بصراحه
أمووووووووووووووت
فى حل الوسط
فلا اليمين
إتباع
ولا اليسار
إنصياع
لكننا
يا أتباع
وطن
يمين
ووسط
يا ميت ندامة على الجار اللى ما
له جار
يستعذب النار اللى فيها
وما يقول
أخ
لكن يقولها
أخ
من غير 000
مش قلت ليكوا يا ناس
إن القضية كبيرة
مش مسألة
غزة
ولوكيربى
والحيرة
المسألة
هيلة
مش عايزة
هيلة بيله
بل عايزة
شد الحيل
ونفس
وصبر طويل
مع كاس على حجرين
تبقى الحقيقة
تمااااااااااااااااااااااام
وسلم لى على المترو
يا مين
يدوق نعيم البرش للسجان
حين ينطلق
دخان سيجارتى
بحرية مكتومة
يرسم
عيالى وامهم
على طبلية برجلين
على لحم
دمور المحله
وعضم مش دبلان
يا مين
يحفظ للولاد
أناشيد
ماهيش للمرايل
خااااااااااااالص
مفيهاش
أنا أطول
من عمر
مفيهاش
أنا أقصر من أمل
ولا فيها صقر قريش
ولا حلطة بلطة
بدقن قطة
وكلب
( غاب القمر يابن عمى
قوم وروحنى)
ما يكونشى
وطنى
اللى جدرانه
تجرحنى