يوتوبيا ...

جرَّبت
إنك تحضن نفسك م الخوف
و تخشّ فــ آخر حتّه
فــ قلب سريرك
و تطبطب على نفسك
و تقول معلهش







حسِّيت إنك ميِّت
كل مقابر أرضك رافضاك
بتجر فــ قلبك من تحت اقدام الناس
ترميه ...
يطلعلك رد سؤال البنت
ليه مالح دايماً طعم البحر ؟

فكرت انك تبنى يوتوبيا جديده
سُكانهاملايكه
بيدفُّوا الشمس
مفروشه بأحلام الناس الغلبانه
و أما تحس انها عمَّاله بتهرب منك
علطول بتحط صباعك جوه عنيك
لو جربت
أو حسِّيت
أو فكرت
إعرف إنك مسكين جداً
إبكى براحتك
طبطب على نفسك
و ادخل آخر حته فـــ قلب سريرك
و ما تنساش حدّ يقولك
معلش