طقطوقة ...............

ابدرينى ع البيبان
فى الأماسى والشفق
عمرى.. مع كل الأحايين
أتفق..
فى أى ميعاد..
تشقيبى صخور العتمة
وتعيشى .. وانا سيفك
واقدام قلبى ملحاية
على رغيفك..
ينام الحلم ف عيونى
على ترابك..
وادق بكفتين
الرؤيااعتابك..
واشوفك من جبال
الغربة.. ريح أبيض
وأشمك من سطوح
الشمس بعيونى
والمك من خدود الورد
عز البرد ما بياكل
فى أطرافى
عيونك .. سكتين الضى
عز الرعب
يا خدونى لشلالك
مع تيارك الممتد
لشطوط الخضار والمد
حين ما اتعد..
بين الخلق من ناسك..
يُُطل من القلوب
الساكنة ف حروفى
كلامى لعشك النابت
فى صحراء الربيع الجاى
أنا مش ناى
ولا محرات..
أنا مطرح ما دمى يبات
يبات عشقى
ومن عشقى
با شوفك غنوة لم نعرف
لحد الوقت نكتبها