أغنية الفارس

إن كان للنجم بلاد
إن كان له كمنجه بيعزف فوقها الأولاد
أو كان فى زمانه مغنى بيقطف من قلب الدنيا الأحزان
أنا بلدى أبعد من أى مكان
ولاليا كمنجه بيعزف فوقها نسيم
ولا عشت زمانى مغنى
غير يعنى وبس ف مره ..
طقت بين ضلعى الآه ..
قام قالوا عليا مغنى ..
بلدى أبعد من أى سحاب
وحصانى الأبنوسى بيرقص تحت القمر الأزرق
وبيرفع عينه لأعلى مملكة الكلمه
يرجع فى عيونه مطر ..
يسقى صبارة الغربه
أنا عارف شكل طريقى لبلدى
لكن مش ح أوصل .. ؟
قبل الفجر ما يشنق نفسه ويتأمل ..
يتأمل عجزه ..
ولحد ما يحرق عجزه شعاع الشمس
أنا بلدى غنوتها الهمس ..
تلمس أوتار الحب وترجع تانى تكش
ونا عشت زمانى مغنى..
ولا كنت مغنى لزمن الغش