ما تجيش تأنى

ما تجيش تأنى
مش كل مرة
تيجى فيها تاخدى
روحي وتسبيني جتة
هامدة
لا اقدر أن ارفع أيد ولا رجل
بس المرة دية
قررت أن أقولك
ما تجيش تأنى
كفاية انك بتطردينى
من الحياة وتسبيني ميت
ومش غريب أنى
اعترف لك بالعجز قدام عينيك
ومش غريبة انك تسلميني
كل ليلة لحيطة سد
أسافر لكل البلاد
الغريبة وار جعلك
واقعد انتظرك في نفس المكان
عشان أقولك
ما تجيش تأنى
وما تنتظرنيش
أنى اخدك بالأحضان
أو حتى أقولك بلهفة
اتاخرتى ليه !!
أو أية اللي اخدك منى
امبارح
مش ح أقولك
وحشتينى يا بنت الايه
ومش ح أنغزل فى
عيشتك البريئة
إلا من دمى
ومش ها قول أنى
ح أشوفك
ح أقولك
ما تجيش تأنى