أشمعنى المرّه . . دي

ايه يعني
عريسك جي يطلبك
من "أمك"
و ماكنتيش في البيت..
وما هي كل مره
كنتي بتستنظريه في البلكونه
و ما كنش بيجي
اشمعنى المره "دى"
كان عارف انك مش
ح تكوني موجوده او كان يمكن
عايز يعملها لك مفاجأه
و يتفق على تفاصيل ليله الدخله
بدون ما يكون ليكي رأي
ولا تختارى شكل الفستان ولا لون الطرحه
ولا أسماء المعازيم!!
طب دي تبقى جوازه!
أهي أمك رفضت للمره التانيه
بس المره دي . مش عشان
خلاف ع المهر
او تجهيز الشقه لكن
عشان انتي اتجوزتي فعلا
و امبارح كانت ليلة دخلتك
حتى بصي كل الناس
اللي تعرفيهم و اللي ما تعرفيهمش
شايلين ديل فستانك الطويل
و بيرموا الورد على الهودج
وبيزفوكي
صورتك – اجمل كده
بدون مساحيق.. ولازواق
مفيش غير اللون الأحمر على ديل
فستانك و اللي بيرسم
طريق جديد " للأفراح "
اللي ح تيجي بعد كده
كل البنات بيتمنوا
دلوقتي فرح يشبه فرحك
و عريس يتباهو بيه قدام اصحابهم
زي عريسك
مش قلتلك