بيحبوا فيك ايه

واديك قاعد لوحدك
بتعد النياشين"الفالصوا
في البدل الميرى
لا دخلت حرب بجد
ولا نلت الشهادة
وبتموت في اليوم مليون مرة
مجرد مهرج في سيرك كبير
بهلوان ......
يتطير زى الفراشات
بخفة _على حبال وداد
الناس اللي بيحبوك
وما فكرتش ولا مرة
هما بيحبوا.... فيك.. إيه!!
نيشانك الفالصو
ولا سترتك الميرى
المطرزة بكل ألوان الطيف
ولا يمكن عشان فاكرينك فارس بجد
في أيدك سيف من العصور الوسطي

بتهوش بية الأطفال
اللي نفسهم يقلدوك في كل حاجة
أو بتهش بية العصافير
من على شجرة الميلاد
والغرابة أن الفرحة بتكبر
في عينيك لما واحد منهم يناديلك
ويمنحك باكو الشيكولاتة
الوحيد اللي فاضله
مجرد مهرج بيضحك
على نفسه
يتنقل من سيرك لسيرك
ومن حفله لحفلة
يقابل ويفارق !!
يختار لنفسة الوحدة "
في معزل عن خلق الله
ويقعد طول الليل
يعد في نياشين فالصو
ويتذكر حروب ما دخلهاش.."
(