إيدين بسكوته

وشوش صفرا وشّداني
علي دوامه وخّداني
بتبِهِر عقلي وتفاخر
عيوني الواسعه مفتوحه
علي الآخــــــــــــــــــــــر
وطول الوقت باسأل روحي ..
ياروحي قولي لي أنا فين؟
سمعت الفجر بّيأدن
وشُفت الكعبه جوه فانوس
غناوي وحوي ياوحوي
تلّف بنورها ياجماعه
أنا مهووس!
أبُص شمالي ويميني
وشوش صفــــــــــرا..
وكف إيديها بسكوته
تبيع لي وهييّ مبسوطه
وكان قلبي يُدق
بلهفه عالمصروف
ترجّع لي كتير باقي
يطير الخـــــــــــــــوف
وتسألني ..
جاوبني بُسرعه ناقصك إيه؟
بأرخص سعر أصّدرلك
وإمتي وفين؟
يانايم لسه علي حالك
يانور العيـــــــــــــن!
وشوش صفرا
عينيها من وتر مشدود
تشّد الحيل مّكن وخيوط
عمل وكفاح أمل بُركان بألف جناح
وحتصّدرشعاع لصباح
وتتصّدرعلي العالم خطوط إنتاج
تغّرقنا في بحر الجات
وتضحك ِمنا تدينا ُطبل وصاجات
إيدين بسكوته بتطّير رقابي الفقر
وتعلا فوق ُتبّص لنا بنظرة صقر
فأرجع أفتكر تاني
وأسأل روحي..
ياروحي قوليلي أنا فين؟
يرد النخل من بلدي
ياحبة عيني ياولدي
يا مروي من حلاوة النيل
نسيتني خلاص؟
وإنتي كمان نسيتيني
وصّدرتيني للصيني
عشان أزرع كبد صيني
رخيص سعرُه هايحييني
وباحلف لك ياهبة النيل
هاييجي الدور عليكي يميل
تلاقي النيل هجر ّطميك
هرب منك..بقي مراية
وشوش صفـــــــــــــرا
بيتنفس هوا صيني!!