الصرخة .........

موضوع: الصرخة ......... الأحد يونيو 28, 2009 11:17 am

(( شدوا الحبال ع الصوارى ))

خدنى معاك يابا ..

وغنوة الرحلة لفة الصرخه

والصرخه صبحت أغنيه فوق الربابه ..

بعوده يا بحر والله بعوده ..

فى حضنك القوت

ودمعة البيوت ..

والبر مره أيادى ممدوده

ومره زغاريد .. تقيد لفرحه العوده ..

غناوينا صهد فى شهر بابه ..

خدنى معاك يابا ..

وغنوة الرحلة .. لفة الصرخة ..

والصرخة صبحت أغنيه فوق الربابه

خذنى معاك يابا ..

الريح قويه فى شهر بابه

ونا اللى عودى سفيف

وفى الجراب .. الزاد رغيف ..

ليه أنا ربعه

والباقى لاخواتى ..

نقسمه ترباع

وتقرقشه يوماتى ..

لكنهم فاتهولى لجل أبحر ..

وافتح عينيه ..

واشدا يابا دراع ..

صعب الرغيف ..

قالتها ياما رموشك ..

قالتها بس خفيف ..

نفسى اشوف الصعب كيف ينجاب

واملا الجراب .. صعاب ..

وناطر ف توبك . يدويك زى نسمه وراك .

خدنى معاك ..

عايز اشوف .. اعرف .. ألف

ليه أنتظر دايماً وراك

وألم دمعات الحزانى اخواتى فوق الكف ..

عايز أشوف اعرف ألف ..

شدوا الحبال ..

والصوارى لوحت ..

غنت مع الرجاله ود .. وصرحت

بعوده يا بحر ..

والله بعوده

والواد على البر ايده ممدوه

خدنى معاك يابا

عايز اشوف اعرف الف

ليه انتظر دايما وراك

والم دمعات الحزانى اخواتى فوق الكف

1965

» الصرخة .........