ولسه ........

ولسه تايهه خطاوينا

في وسط دروب

ولسه الدمع ف عنينا

شموع بتدوب

ولسه نهاية القِصه

ماهوش مكتوب

ورغم جراحنا ونيرانها

ورغم الدنيا واحزانها

تلاقي نبته جوانا

تنور ضلمة إمبارح

تقول د بكره لو جانا

هاييجي بخير كتير طارح

وتزرع شمسنا ضحكه

ومهما كانت السِكه

هانسافر

وهانعافر

لغاية بِكره مايجينا

وطارح فجره في الآخر

ولسه

ولسه باقول وإيه يعني

وغني ياقلبي سمعني

ولو دقك هايوجعني

وهااصرخ آآه

هاأقولك برضه إيه يعني

دا بُكره الآه تودعني

واللي ضاع وضيعني

في بُكره ألقااه

ولسه ..