يا نعسانين

يا صباح الخير00 ردوا عليَّ
يا نسمة شيلي الناموسية
وقولي للنايم 00 يصحي
ويشوف جمال الصبحيَّة
***
الشمس طالعة بتوب احمر
ذيِّ العروسة بتتمخطر
وراخيه عينها علي الميَّه
وتوبها ع الأرض محرجر
والطير علي الأغصان غنَّي
وريشه بالشمس إتحنَّي
والنسمة فرحانة بتلعب
هي وفروع شجر الحنَّه
****
وحمامة مالت لوليفها
توشوشه ويوشوشها
ويقول لها في السر كلام
تحن وتفرش ريشها
*****
يا نعسنين والكون صاحي
وكانه سهران صبَّاخي
صباح جميل يا هنيالكم
يسعد صباحكم وصباحي
رموش يمامة
حبيت وكان السبب
في الحب حورية
الخد ناطق
بخفة دم مصرية
والشعر نازل
كما الصفصاف ع الميَّه
والعين سوادها
خطف قلبي وخلاَّني
أرخي جفوني
وأرد النظرة لعنيَّه
***
ماشيه علي الجسر
قلبي بيمشي نحيتها
وسنابل القمح
قاعده تشدْ جلابتها
والميَّه في القنا
تبتسم لبسمتها
ناداها قلبي
ونجم السعد وافاني
رقصت فروع الشجر
من هزْ ضحكتها
****
صحت الطيور الِّي كانت
راقدة في اعشاشها
حضنت صغارها
وشافوا الأمن في ريشها
وكل طيره فريحها
طبر يناغشها
حنت يمامتي وشافت
إني وحداني
مالت عليَّ
وغطت وشي برموشها
****
الهوا غيَّه
فتحت بابي المتعصفَّر
والمرْ خلِّيته مسكَّرْ
واتشتَّروا وإنت الأشطْر
ولا لك ديَّه
****
بدَّرتْ والمحصول بدَّرْ
لملمت كل المتبعتر
والباقي أمره حيتدبَّرْ
ويعود ليَّ
***
ولا عتْش أقلب فنجاني
وأداري فرحي ف خلجاني
جري إيه يا ناس 00؟
خلِّي وجاني
صافي النيَّه