البنت والولد

البنــت فــارت والولــــد خنــــــشر ..
يا داهية دقـى ! .. ألـف بعد الــــشر ..
يا ريتهـا كانــت نزلــــة شـــــــعبية ،
والا وجـــع فى البطـــن .. يتدبــر ،
الا اللى نابهم ، كان قضا وصـابهم ،
مالوش دوا ، ولا طب ، ياسى أنور .
البنــت فــى الاعــدادى - لســـاها ،
كــان إيـه لـزوم الغـصن يتـدور ؟ ..
والا الولـد ، ده يادوب دخل ثانـوى ،
ليه خده ينطر شوك ، بدا - المنظر ؟ ..
مـش لمـا بـس يكملــوا علومهـــم ؟ ..
ماكانـش يومهم ، يا النهــار لا غبـر !
لو كــان عليــا .. لا واد ، ولا بنيــه ،
أخلـى فيهـم ” مللـــى ” يتغيــــــر ،
غير لما يبقوا أساتذه ، بماهـيــــة ،
وبيت جميل ، مفروش على صغير !